| 1. Kuv yuav hu
tau rau leejtwg yog kuv muaj lus nug, kev ntsawv
siab lossis kev tsis txaus siab? |
| Peb lub Chaw Pabcuam Tswvcuab yuav pab
tau koj. Hu rau peb ntawm 1-800-986-4649,
Monday txog Friday 9:00 a.m. txog 5:00 p.m.
Peb cov tibneeg ua haujlwm hais tau ob yam
lus thiab yuav teb tau cov lus nug uas koj
muaj txog koj txoj kev npaj khomob. |
| |
| Molina tseem muaj tus xovtooj hu mus Nrog
Neeg Saib Mob Tham tau 24-teev toj hnub
uas koj yuav hu dawb tau ntawm 1-888-232-7802.
Ib tus neeg saib mob uas tau laixees hauv
lub xeev los yuav los nrog teb tau koj cov
lus nug uas koj muaj txog cov kev khomob
koj muaj hauv txoj kev npaj khomob no. |
| |
| Thov nco ntsoov tias koj yeej tseem nrog
tau koj tus thawj kws khomob tham txog koj
tej kev txawjxeeb uas koj muaj txog koj
tus mob. Koj tus thawj kws khomob thiab
nws cov tibneeg ua haujlwm txaus siab yuav
pab koj. |
| |
| Yog tias koj xav tau kev pabcuam ntxiv,
koj tseem hu tau rau Molina Tus Neeg Pab
Daws Teebmeem ntawm 1-877-MOLINA-7
(665-4627).
Tus Neeg Pab Daws Teebmeem yog tus uas muaj
yuav pab tau koj yog tias koj tsis txaus
siab rau cov kev pabcuam uas koj tau txais
los ntawm Molina lub Chaw Pabcuam Tswvcuab. |
| |
California Phab Saib
Kev Npaj Kev Khomob yog phab uas tswj thiab
saib xyuas cov kev npaj khomob. Phab saib
no muaj ib tus xovtooj hu-dawb (1-888-HMO-2219)
los txais cov lus tsis txaus siab txog cov
kev npaj khomob. Cov tsis hnov lus thiab
hais tsis tau lus siv tau California Txoj
Kev Sib Txuas Lus tus xovtooj hu-dawb (1-800-735-2929
(TTY) lossis 1-888-877-5378 (TTY)) los hu
rau phab saib xyuas no. Phab saib xyuas
no li Internet website uas yog www.hmohelp.ca.gov
muaj cov ntawv uas hais txog cov kev tsis
txaus siab thiab cov kev uas qhia txog tej
uas koj yuav tau ua nyob hauv online. Yog
tias koj muaj ib txoj kev tsis txaus siab
txog koj txoj kev npaj khomob, koj tsimnyog
yuav tau xub hu rau Molina lub Chaw Pabcuam
Tswvcuab ntawm 1-800-986-4649, lossis 1-800-479-3310
(TTY) rau cov tibneeg uas tsis hnov lus
thiab hais tsis tau lus, thiab siv txoj
kev npaj khomob no txoj kev hais kev tsis
txaus siab uantej tso koj mam hu rau phab
saib xyuas no. Yog tias koj xav tau kev
pabcuam rau ib txoj kev hais kev tsis txaus
siab uas yog xwmtxheej ceev, ib txoj kev
npaj khomob uas koj txoj kev npaj khomob
daws tsis tau haum li koj lub siab nyiam,
lossis ib txoj kev tsis txaus siab uas twb
ntev tshaj li 30 hnub lawm tabsis luag tseem
tsis tau daws tas, koj hu tau rau phab saib
xyuas no mus nrhiav kev pabcuam. Txoj kev
npaj kev khomob txoj kev hais kev tsis txaus
siab thiab phab saib xyuas no txoj kev tshuaj
xyuas thiab pabcuam yog ob yam uas muaj
ntxiv rau lwm txoj kev daws teebmeem uas
koj yuav siv tau, thiab yog tias koj tsis
siv ob txoj kev daws teebmeem no los nws
yuav tsis txwv koj txoj kev uas siv lwm
yam kev daws teebmeem uas muaj raws li txoj
kevcai. |
| |
| Rov mus rau
saum kawg |
|
| 2. Kuv puas pauv
tau kuv tus Thawj Kws Khomob? |
| Tau. Peb xav kom koj tus uas tau txais
txoj kev Pabcuam Health Families thiab yog
ib tus tswvcuab hauv Molina haum nrog koj
tus thawj kws khomob uas peb muab rau koj.
Koj pauv tau koj tus Thawj Kws Khomob los
ntawm kev hu mus rau peb lub Chaw Pabcuam
Tswvcuab ntawm 1-800-986-4649.
Lossis koj ua tau ib daim ntawv “Hloov
Thawj Kws Khomob” uas muaj hauv koj
tus kws khomob lub chaw ua haujlwm thiab
hais kom lawv muab daim ntawv ntawd fax
rau peb ntawm (562)
901-9632. |
| |
| Koj thov pauv tus thawj kws khomob tau
txhua lub sijhawm, tabsis tej zaum nws yuav
noj sijhawm txog li 30 hnub mam pauv tau
rau koj. |
| |
| Rov mus rau
saum kawg |
|
| 3. Yog vim licas
kuv thiaj li yuavtsum tau muaj ib tus Thawj Kws
Khomob? |
| Molina xav kom koj tau txais cov kev khomob
thiab kev pabcuam uas zoo tshaj plaws. Twb
yog vim li no peb thiaj muab ib tus Thawj
Kws Khomob rau koj. Tus Thawj Kws Khomob
no yuav yog koj tus kws khomob. Molina muaj
ib pab kws khomob uas coob heev li rau koj
xaiv. Tej zaum tus kws khomob uas koj muaj
tamsim no twb zwm rau hauv Molina lawm los
kuj muaj. Koj tus Thawj Kws Khomob yuav
yog tus kho koj txhua yam mob thiab xa koj
mus rau tej tus kws khomob tshwjxeeb yog
tias tsimnyog ua li ntawd. |
| |
| Rov mus rau
saum kawg |
|
| 4. Thaum twg kuv
mam tau txais Health Families Pob Ntawv Tos Txais? |
| Koj yuav tau txais ib Pob Ntawv Tos Txais
uantej koj tus menyuam siv tau nws txoj
kev khomob. |
| |
| Rov mus rau
saum kawg |
|
| 5. Thaj chaw twg
Molina Healthcare of California thiaj li muaj
cov kev khomob rau txoj Kev Pabcuam Healthy Families? |
| Cov tibneeg uas tau txais kev khomob uas
nyob hauv lub nroog Los Angeles, Riverside,
San Bernardino, Yolo, thiab Sacramento xaiv
tau Molina Healthcare of California. Yog
tias koj nyob rau hauv ib lub nroog uas
hais los no, tabiss koj tsis paub tseeb
xyov koj puas xaiv tau Molina Healthcare
of California, hu mus rau txoj kev Pabcuam
Healthy Families ntawm 1-800-880-5305
lossis mus xyuas txoj kev Pabcuam Healthy
Families li website hauv www.mrmib.ca.gov
txog cov zip code uas muaj Molina Healthcare
of California. |
| |
| Rov mus rau
saum kawg |
|
| 6. Kuv yuav thov
txoj kev Pabcuam Healthy Families licas? |
| Yog koj xav thov txoj kev Pabcuam Healthy
Families koj yuavtsum tau hu ncajqha mus
rau lawv ntawm 1-800-880-5304.
Txoj kev Pabcuam Healthy Families yuav xa
ib pob ntawv thov tuaj rau koj fias thiab
muab xa rovqab mus rau lawv. |
| |
| Rov mus rau
saum kawg |
|
| 7. Kuv yuav ua
licas yog kuv xav tau ib tus kws kho hniav? |
| Yog tias koj xav tau kev kho hniav, koj
mus kho tau hauv ib txoj ntawm plaub (4)
txoj kev npaj kho hniav uas muaj hauv txoj
kev Pabcuam Healthy Families. Koj yuavtsum
tau muaj koj daim ID Npaj Kho Hniav (Dental
Plan Identification) card koj thiaj yuav
mus kho hniav tau. Molina tsis muaj kev
kho hniav. Yog koj xav tau tus kws kho hniav
uas nyob ze koj hauv koj lub cheebtsam,
koj hu tau rau txoj kev Pabcuam Healthy
Families tus xovtooj pabcuam tibneeg ntawm
1-800-880-5305,
lossis mus xyuas txoj kev Pabcuam Healthy
Families lub website ntawm www.mrmib.ca.gov . |
| |
| Rov mus rau
saum kawg |
|
| 8. Kuv yuav ua
licas yog kuv xav mus Kuaj Qhovmuag? |
| Koj tus uas yog ib tus tswvcuab hauv txoj
kev Pabcuam Healthy Families, yuav tau txais
kev kho qhovmuag los ntawm Vision Service
Plan (VSP). Nws muaj ib cov chaw kuaj qhovmuag
rau koj xav mus kuaj. Yog xav tau lub chaw
kuaj qhovmuag uas nyob ze rau koj tshaj,
hu rau 1-800-877-7195
lossis mus xyuas lawv lub website ntawm
http://www.vsp.com.
|
| |
| Koj tus thawj kws khomob tseem yuav pab
tau koj nrhiav ib lub chaw mus kuaj qhovmuag
rau koj. |
| |
| Rov mus rau
saum kawg |
|
| 9. Molina puas
muaj tsheb thauj mus khomob? |
| Nws muaj tsheb thauj mus khomob xwmtxheej
ceev rau tej thaum uas mob hnyav. Koj hu
tau ncajnraim rau 911 thiab luag yuav xa
ib lub tsheb thauj neeg mob tuaj rau ntawm
koj tsev. Thov nco ntsoov hais tias tsheb
thauj neeg mob tsuas yog siv rau tej yam
xwmtxheej ceev uas yog muaj mob hnyav xwb
thiab tsis tsimnyog siv rau tej kev uas
teem mus ntsib kws khomob raws sijhawm.
Tej zaum koj yuav tau them tus nqi yog tias
koj siv lub tsheb thauj neeg mob rau tej
yam uas tsis yog mob xwmtxheej ceev. |
| |
| Rau cov kev teem mus khomob raws sijhawm
lossis kev mus khomob uas tsis yog xwmtxheej
ceev, Molina lub Chaw Pabcuam Tswvcuab yuav
pab tau koj nrhiav tsheb thauj mus los rau
koj. Lub Chaw Pabcuam Tswvcuab muaj ib daim
ntawv teev cov tsheb thauj mus los uas muaj
pub rau tej pejxeem sawvdaws hauv zos lossis
tej tsheb thauj mus los uas yuav nqi tsawg.
Hu rau lawv tus xovtooj hu-dawb ntawm 1-800-986-4649. |
| |
| Rov mus rau
saum kawg |
|
| 10. Kuv yuav
mus nrhiav cov kws khomob tshwjxeeb licas? |
| Txhua txoj kev khomob tshwjxeeb, tshwj
cov kev khomob OB/GYN nkaus xwb, yuavtsum
yog teem rau koj los ntawm koj tus thawj
kws khomob. Koj tus thawj kws khomob yog
tus uas saib xyuas kom koj tau txais cov
kev khomob uas tsimnyog. |
| |
| Rov mus rau
saum kawg |
|
| 11. Kuv yuav
ua licas yog kuv tawm hauv kuv lub cheebtsam lawm
thiab kuv xav mus ntsib ib tus kws khomob? |
| Yog thaum uas muaj mob hnyav uas yog xwmtxheej
ceev, mus rau hauv lub tsev khomob uas nyob
ze rau koj tshaj lossis hu rau 911 tamsid.
Rau qee yam mob loj, koj hu rau tus xovtooj
hu nrog neeg saib mob tham tau 24-teev toj
hnub ntawm 1-888-232-7892. |
| |
| Rov mus rau
saum kawg |
|
